5 Feb 11, 07:27
အဖြေ။ ။အိပ်မက်မက်ခြင်း…
တနည်း
၁… ကြိုဖြစ်မှာကိုမက်ခြင်း…
၂… သွေးလေချောက်ချားလို့မက်ခြင်း…
၃… စွဲလမ်းလို့မက်ခြင်း…
၎… နတ်တို့ ဖန်ဆင်းလို့ မက်ခြင်း…
တနည်း
မနောဒွါရမှာ အာရုံထင်တတ်တာနဲ့ပါတ်သက်ပြီး မဟာဂန္ဓာရုံဆရာတော်ဘုရားက ဒီလို လင်္ကာစီထားတာ တွေ့ရပါတယ်…
တွေ့ အကြား၊ နှစ်ပါးရယ်နှင့်၊ စပ်၍ကြုံ၊
သဒ္ဓါယုံ ကိုယ့်အကြိုက်ကယ်နှင့်၊
ခြင်းရာကို ကြံကာနှိုက်၊ ကိန်းဆိုက်အာရုံ၊
ဉာဏ်အမှု ကြံ၍ရှု၊ နှစ်သက်ပုံ ကံအဟုန်တန်ခိုး၊
ဓါတ်ခေါဘံ၊ နတ်များငယ် ဆော်ဖန်လို့၊
လျော်ကန်တော်မှန် သိတာကြောင့်၊
ဘ၀င်မှာ ထင်လာငြိရတယ်၊ ကျမ်းရိုးလက်ရှိ။
အဓိပ္ပါယ်ကတော့…
ကိုယ်တိုင်တွေ့ကြုံ ဖူးတာတွေဟာ အာရုံထင်လာတတ်ပါတယ်…
သူများပြောသံ ကြားဖူးတာတွေဟာ အာရုံထင်လာတတ်ပါတယ်…
သူတစ်ပါးပြောဟောတာကို ယုံကြည်ခြင်းကြောင့် အာရုံထင်လာတတ်ပါတယ်…
မိမိကြိုက်နှစ်သက်ရာတွေလည်း အာရုံထင်လာတတ်ပါတယ်…
ကြံစည်စဉ်းစားတာတွေဟာ အာရုံထင်လာတတ်ပါတယ်…
ကံကြောင့်လည်း အာရုံထင်လာတတ်ပါတယ်…
တန်ခိုးကြောင့်လည်း အာရုံထင်လာတတ်ပါတယ်…
သွေးလေ ဓါတ်ချောက်ချားလို့လည်း အာရုံထင်လာတတ်ပါတယ်…
ရူးနေသူဟာလည်း အာရုံမျိုးစုံ ထင်လာတတ်ပါတယ်…
နတ်တွေကြောင့်လည်း အာရုံထင်လာတတ်ပါတယ်…
သေကာနီးထင်တဲ့ အာရုံကတော့…
ကံ ကမ္မနိမိတ် ဂတိနိမိတ် တစ်ပါးပါး ဖြစ်နိုင်ပါတယ်…
ကံပြုစဉ်တုန်းက တွေ့ကြုံရသမျှ အာရုံတို့ကို ကမ္မနိမိတ်လို့ခေါ်ပါတယ်…
အဲဒီအာရုံတွေဟာ အဆင်းအသံ စသည်ဖြင့် အာရုံခြောက်ပါးလုံး ရတတ်ပါတယ်…
ကမ္မနိမိတ်မှာ ပဓာနအာရုံနဲ့ အပဓာနအာရုံဆိုပြီး နှစ်မျိုးနှစ်စား ခွဲခြားပါတယ်…
ဥပမာ…
ဘုန်းကြီးကို ဆွမ်းလှူတယ် ဆိုပါစို့…
ဘုန်းတော်ကြီးက ပဓာနအာရုံဖြစ်ပြီး…
ဆွမ်း ဆွမ်းဟင်းစသည်က အပဓာနအာရုံလို့ ခေါ်ပါတယ်…
ကျောင်းလှူဘူးတယ်ဆိုရင်လည်း ကျောင်းကြီးက ပဓာနအာရုံဖြစ်ပြီး…
အတွင်းပစ္စည်း ကုလားထိုင်စသည် အသုံးအဆောင်တို့က အပဓာနအာရုံလို့ ခေါ်ပါတယ်…
နတ်ပြည် ငရဲပြည်စသည် အာရုံများကတော့ သွားရမည့်နေရာတွေ ဂတိနိမိတ်အနေနဲ့ ပေါ်တတ်ပါတယ်…
အဲဒီမှာလည်း နိမိတ်နှစ်မျိုး ခွဲထားပါတယ်…
တိုက်ရိုက်ရောက်မည့်အရပ် လူ့ဘုံ နတ်ဘုံ ငရဲဘုံစသည်ကို ဥပလဘိတဗ္ဗ လို့ ခေါ်ပြီး…
ရောက်သည့်ဘုံမှာ သုံးဆောင်ရမည့် အခြံအရံပစ္စည်းများကိုတော့ ဥပဘောဂလို့ခေါ်ပါတယ်…
ငရဲမီး ငရဲထိန်း နတ်သား မင်းသမီး ဥယျာဉ် စသည်တို့ ဖြစ်ပါတယ်…
ဒီလိုထင်မြင်လာတာတွေကတော့ အကျိုးပေးမည့် ကုသိုလ်ကံ အကုသိုလ်ကံတို့၏ အစွမ်းကြောင့်သာ ဖြစ်ပါတယ်…
လေ့လာလို့ သိသလောက် ကျဉ်းကျဉ်းလေးသာ ပြောပြခြင်း ဖြစ်ပါတယ်…
များများလေ့လာကြပါ လေ့လာကြတာ ၀မ်းသာပါတယ်…
များများလေ့လာကြပါ လေ့လာကြတာ ၀မ်းသာပါတယ်…
အပ္ပမာဒတရား လက်ကိုင်ထားလို့ သူတော်ကောင်းတရားတွေ ကျင့်နိုင်ကြစေ မြတ်ဗုဒ္ဓအမွေ...
ဦးလောကနာထ
၂.၁၄.၂၀၁၁
No comments:
Post a Comment