ဆွမ်းခံရင်း ရှက်စရာ မျက်နှာကို သပိတ်အုပ်လျှက်... (သင်္ဂဇာဆရာတော်)

သင်္ဂဇာဆရာတော် စကားပုံပေါင်းချုပ်

ဆွမ်းခံရင်း ရှက်စရာ မျက်နှာကို သပိတ်အုပ်လျှက်...
အိမ်ရှေ့မိဖုရားကြီး လှိုင်ထိပ်ခေါင်တင်ကို ...

သားအမိနှစ်ယောက် မငြိမ်ဝတ်သဖြင့် ထမီ...

အားမနာရမည့်နေရာတွင် အားနာချက်အားကြီး၍...

ပရိက္ခရာရှစ်ပါးကို အလွန်ငြင်းသဖြင့် ၀န်မင်းကြီး...

မွေးအိုသေကို ရင်မဆိုင်လို ဒီလိုလူကို ဘာလို့ ခေါ်မယ်...?

မွေးအိုသေကို ရင်မဆိုင်လို ဒီလိုလူကို ဘာလို့ ခေါ်မယ်...?

မွေးအိုသေဟာ သဘာဝပါ...
သေပြီးရင်လဲ မွေးဦးမှာ...
စက္ကန့်လေးတောင် မခြားပါ...
ရင်ဆိုင်ရမယ် သဘာဝပဲကွယ်...

သေလို့ သေမှန်းတော့ မသိကြတယ်...
ဒို့တတွေရဲ့ ရုပ်နာမ်တရားရယ်...
အမြဲတန်းကွယ် သေနေတယ်...
တစ်စက္ကန့်ဝယ် ရုပ်ပေါင်းရယ် ...
ကုဋေငါးထောင်ကျော် သေနေတယ်...
နာမ်ပေါင်းကတော့ ကုဋေသိန်းချီကွယ်...
သေတာရှိရင် မွေးတာရှိမယ် ...
သူကတော့ အလွတ်ပေါ့ကွယ်... (ရဟန္တာ)
ဖြစ်ပြီးရင် ပျက်ကြရမှာ...
ပျက်ပြီးရင် အသစ်ဖြစ်ဦးမှာ...
မွေးတာသေတာ သဘာဝပါ၊ မဆန်းကြယ်လှပါ...

ဆန်းနေတာက သံသရာ တစ်လျှောက်မှာ...
ဓါတ်ကောင်းလေးတွေ မကိန်းကြတာ...
သူကလည်း ကိုယ့်ကို မနာလို...
ကိုယ်ကလည်း သူ့ကိုနည်းတူ...
ငြိမ်းချမ်းမှုရယ် ရဖို့မလွယ်တယ်...
ဒီကမ္ဘာကြီး စစ်ဖြစ်နေတယ်...
သံသရာမှာ ပြန်ဆုံရင်တောင် ...
ညှိုးသူရန်ဘက် ဖြစ်ကြဦးမယ်...

ပါရမီဆိုတာ ဖြည့်ကြရတယ် ...
ဖြည့်တဲ့သူကို သာဓုခေါ်မယ်...
ဖြည့်တယ်ဆိုတာ ကိုယ့်အတွက်ရယ်...
သူ့အတွက်ကတော့ အနည်းငယ်...
ဒီလို ဒီလို သိထားရမယ်...
ပေးတဲ့သူက အသစ်ရမယ်...
ယူတဲ့သူက အဟောင်းစားတယ်...

ကျုပ်ကတော့ အဟောင်းလည်းစားတယ်...
အသစ်ကိုလည်း ယူဦးမယ်...
သင်ကကော ဘာတွေကြံမယ်...
မှန်မှန်ပြောပါ....။

ကဲ မှန်မှန်ပြောပါတဲ့ ဒကာဒကာမတို့ ကိုယ့်ဟာကို တိုးတိုးသာပြောကြပေါ့လေ...။
(မသိသေးသူတွေအတွက်ပါ) အဟောင်းစားတယ်ဆိုလို့ ဒီဘုန်းကြီးတမျိုးကြီးတော့ မလုပ်လိုက်ပါနဲ့ဦးနော်... ကုသိုလ်ကံ အကျိုးတရားတွေကို ခံစားတာ ပြောတာပါ... အသစ်ဆိုတာကတော့ ကုသိုလ်အသစ်တွေကို ဆိုလိုတာလေ...။ ဆက်ပြောရမယ်ဆိုရင်တော့ အဟောင်းက မစားချင်လည်းစားရမှာပါ၊ အသစ်ကတော့ ကြိုးစားပြီး လုပ်ယူကြရပါတယ်။ နေ့စဉ်နေ့တိုင်း လေ ဘာတွေလုပ်နေကြလဲ၊ ရှာမယ် ဖွေမယ် စားမယ် ပျော်မယ် ပါးမယ် အိပ်မယ် ကာမဂုဏ်မှီဝဲမယ်လေ။ ဒါဘဲလား ဒါလောက်နဲ့ဆိုရင်တော့ ဘုန်းကြီးတို့ သာသနာနဲ့ တွေရကျိုး ဘယ်လိုနပ်ပါ့မလဲ။ ကျောင်းရှေ့လာနေတဲ့ ကျီးကန်းရယ် စာကလေးရယ် ရှဥ့်ရယ် သူတို့တတွေကော တစ်နေ့ တစ်နေ့ ဘာတွေလုပ်ကြသလဲ။ ဘုန်းကြီးဖြေစရာတောင် မလိုလောက်ပါဘူးလေ အားလုံးအားလုံး သိကြပြီးသားတွေပါ။ ဒါဆို အတူတူဖြစ်နေပြီ သူတို့နဲ့များ အကုန်တူမယ်ဆိုရင်လေ ကိုယ့်မှာ လူဖြစ်ရကျိုး သာသနာနဲ့တွေ့ရကျိုး ဘယ်လိုနပ်ပါ့မလဲ။

ဒကာဒကာမတို့ ပြုလိုက်ကြပါ ...
ဒါန သီလ ဘာဝနာ...
သူ့ထက် တဆင့်မြှင့် ပါရမီ ထိုက်တဲ့ ဒါန သီလ ဘာဝနာ...
သူ့ထက် တဆင့်မြှင့် ဥပပါရမီ ထိုက်တဲ့ ဒါန သီလ ဘာဝနာ...
သူ့ထက် တဆင့်မြှင့် ပရမတ္ထပါရမီ ထိုက်တဲ့ ဒါန သီလ ဘာဝနာ...

ကဲ ဒီကနေ့ အဆုံးအမကတော့...
ပေးနေတဲ့ ကုသိုလ်တွေကို...
လက်ကလေး ...
တစ်ချောင်းပါတဲ့သူ တစ်ချောင်းနဲ့ကောက်...
နှစ်ချောင်းပါတဲ့သူ နှစ်ချောင်းနဲ့ကောက်...
တဖက်ပါတဲ့သူ တဖက်နဲ့ကောက်...
နှစ်ဖက်ပါတဲ့သူ နှစ်ဖက်နဲ့ကောက်ပေါ့...။

ကျောပိုးအိတ်နဲ့ပါဘုရား ဆိုတဲ့သူကိုတော့ အားရပါးရ သာဓုခေါ်ပါတယ်။

ကြားဖြတ်ပေါ့...။ ပြောစရာတစ်ခုကျံတာက တခြားတော့ မဟုတ်ပါ၊ ဘုန်းကြီးရဲ့ မကောင်းတဲ့အကျင့်ကလေး ကြွားမလို့ပါ၊ ဓါတ်ပုံရိုက်တာ နဲနဲ ၀ါသနာပါတယ်။ ကျောင်းလာတဲ့သူတွေဆို ဓါတ်ပုံတန်းရိုက်တာဘဲ၊ ခုတော့ ဘုန်းကြီး ၀တ်လည်တယ်ထင်တယ်၊ ခဏခဏ ဓါတ်ပုံ အရိုက်ခံနေရတယ်။ ၄.၃၀.၀၉ ဓါတ်ပုံရိုက် သွားပါဦးမယ်လို့...။

စာအသစ်နဲနဲလေး နောက်ကျမှာမို့...


ဒကာဒကာမအားလုံး စိတ်ချမ်းသာကြပါစေ...
ဒုက္ခဆင်းရဲကင်းဝေးကြပါစေ...။
ဦးလောကနာထ
၎.၃၀.၂၀၀၉

ကဗျာမဟုတ်ဘာမဟုတ်ဆိုတော့ ပြင်ချင်တဲ့သူ ပြင်ချင်သလို ပြင်နိုင်ပါတယ် ပြင်ပေးလို့ရပါတယ်။
အကုန်လုံးပါလေ ပုံကော စာတွေကော ဘုန်းကြီးစိတ်ဓါတ်ကောပေါ့...။

ပါရမီထိုက်သည့်ဒါန... (အရှင်ဇ၀န) vcd

မေတ္တာရှင် ဆရာတော် အရှင်ဇ၀န...

နိဗ္ဗာန်ရောက်ကြောင်းတရားကောင်း...

ပါရမီထိုက်သည့်ဒါန... (အရှင်ဇ၀န) vcd

ကာဠုဒါယီအမတ်၏ မြတ်စွာဘုရားအား ပင့်လျှောက်သော ဂါထာများ...

မင်းကွန်းတိပိဋကဆရာတော်၏ မဟာဗုဒ္ဓ၀င် ၃- မှ...

ကာဠုဒါယီအမတ်၏ မြတ်စွာဘုရားအား ပင့်လျှောက်သော ဂါထာများ...

ဗောဓိပင်နှင့် ရွှေပလ္လင်ကို ရရှိတော်မူပြီးနောက်...
ခမည်းတော် သုဒ္ဓေါဒနမင်းကြီးမှ မြတ်စွာဘုရားအား ဖူးမျှော်လို၍၊ အမတ်တစ်ဦးကို အခြံအရံ တစ်ထောင်နှင့် စေလွှတ်ပါသော်လဲ၊ အမတ်ပေါင်း ကိုးဦးနှင့် အခြံအရံ ကိုးထောင်သာ ရှင်ရဟန်းဖြစ်သွားသည်။ မြတ်စွာဘုရားက ကြွတော်မမူလာ ထိုအခါ ဖွားဘက်တော် ကာဠုဒါယီအမတ်နှင့် အခြံအရံတို့ကို လွှတ်တော်မူသည့်အခါ၊ ကာဠုဒါယီမှ ဂါထာပေါင်း ခြောက်ဆယ်ကို ရွတ်ဆိုပူဇော် ပင့်ဖိတ်မှ မြတ်စွာဘုရား ကြွတော်မူလာလေသည်။

ဒီဂါထာခြောက်ဆယ်က တန်ဖိုးရှိလှပါတယ်၊ ကာဠုဒါယီအမတ်ဟာ ကဗျာ ဂါထာ စီကုံးတဲ့အရာမှာ အလွန်တော်ပါတယ်။ ဘုန်းကြီး အသံနဲ့သွင်းပြီးတော့တောင် တင်ပေးချင်ပါသေးတယ်၊ ဒါပေမဲ့ သိတဲ့အတိုင်း အသံကလဲမရ အဆိုကလဲမပိုင်ဆိုတော့ ဒကာဒကာမတို့အတွက် ခြောက်ခြောက်သွေ့သွေ့ကြီးပေါ့၊ စာဖတ်တဲ့အခါ ကိုယ်တစ်ယောက်ထဲဆိုတော့ အသံထွက်ပြီး ကဗျာဆိုသလိုလေးသာဆိုပါ ပိုပြီးကောင်းပါတယ်။
ကဗျာဆရာတွေပါခဲ့ရင် မြန်မာကဗျာလေး စီလိုက်ပါ ခေတ်လူငယ်တွေအတွက် ပိုကောင်းသွားတာပေါ့...။
dj လက်ထဲရောက်သွားရင်တော့ ဒုက္ခ...။ (dj ဆိုတာ သေသေချာချာတော့မသိပါ ခေတ်ကကွာသွားပြီလေ)

စိတ်ဝင်စားခဲ့ကြရင် ဆက်ပြီးတင်ကြတာပေါ့...
ခုတော့ ၁၁-မီးငြိမ်းအောင် ၁၂-ပိုဒ်တင်ပေးလိုက်ပါတယ်...။

ဖြည့်ဆည်းရန်... (ဦးသုမင်္ဂလ) vcd

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

ဖြည့်ဆည်းရန်...

(တောင်ပေါက်ဆရာတော်)

ဗုဒ္ဓသာသနိက ပဌ၀ီဝင်ကျမ်းကြီး (တောင်ပေါက်ဆရာတော်)

ကောသလတိုင်း...

မှီရာအမှန်... (ဦးသုမင်္ဂလ) vcd

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

မှီရာအမှန်... (ဦးသုမင်္ဂလ) vcd

သတ်သတ်လွတ်စားခြင်း... တည်တောဆရာတော် (မေး+ဖြေ)

တည်တောဆရာတော် (မေး+ဖြေ) ၅-မှ...

သတ်သတ်လွတ်စားခြင်းသည် ဘုရားအလိုတော်ကျ ဟုတ် မဟုတ်...














ဓမ္မဒူတ အရှင်ပညာဇောတ၏... သတ်သတ်လွတ်မစားရဘူးပေါ့--->

ပဋိသန္ဓေ တည်ရခြင်းသည်လည်း ဆင်းရဲ၏...

တစ်နေရာမှာ အမျိုးသမီးတစ်ဦး ခွေခွေခေါက်ခေါက်ပုံလေး တွေ့လိုက်ရတော့...
ဒကာဒကာမတို့မြင်ရင် ဘယ်လိုနှလုံးသွင်းမလဲတော့ မသိပါ... တိုက်ကြည့်ပေါ့...
ဘုန်းကြီးရဲ့အတွေးနဲ့...

အကြောင်းအရာ စာမဖတ်ရသေး... ပုံကြည့်ပြီးစဉ်းစားတာက
ဘုန်းကြီးစိတ်ထဲမှာ သြ... ပဋိသန္ဓေနေရဦးမယ်ဆို မိခင်ဝမ်းခေါင်း ကျဉ်းကျဉ်းလေးထဲ ဒီလို ကြပ်ကြပ်သပ်သပ်နဲ့ ဆင်းရဲဒုက္ခတွေ ဖြစ်ဦးမှာပါလားလို့ တွေးမိပြီး ပဋိသန္ဓေနေရခြင်းသည်လည်း ဆင်းရဲ၏... ဒီလိုရေးချင်စိတ်ပေါ်သွားတာပါ...

အဲဆိုဒ်မှာရေးတဲ့စာတွေက မိဘက သမီးအပေါ်ထားတဲ့ မေတ္တာ...
နောက်တဆင့် သမီးဖြစ်သူက မွေးဖွားလာမဲ့ ရင်သွေးလေးအပေါ်ထားတဲ့မေတ္တာ...
မိခင်မေတ္တာ ခံစားချက်တွေပါ အရေးကောင်းလို့လားတော့ မပြောတတ်ပါ...


ဒါကတော့ ကျွန်ုပ်စိတ်ထဲ ဖြစ်ပေါ်လာတဲ့ပုံရိပ်လေးပါ...

ဣဒံ ခေါ ပန ဘိက္ခဝေ ဒုက္ခံ အရိယသစ္စံ၊ ဇာတိပိ ဒုက္ခာ၊ ဇရာပိ ဒုက္ခာ၊ ဗျာဓိပိ ဒုက္ခော၊ မရဏမ္ပိ ဒုက္ခံ၊ အပ္ပိယေဟိ သမ္ပယောဂေါ ဒုက္ခော၊ ပိယေဟိ ဝိပ္ပယောဂေါ ဒုက္ခော၊ ယမ္ပိစ္ဆံ န လဘတိ၊ တမ္ပိ ဒုက္ခံ၊ သံခိတ္တေန ပဉ္စုပါဒါနက္ခန္ဓာ ဒုက္ခာ။ ((ဓမ္မစကြာ))

ဒီပါဠိတော်လေး စိတ်အာရုံမှာ ချက်ခြင်းပေါ်လာတယ်...

ရဟန်းတို့ ဤသည်ကား ဆင်းရဲဖြစ်သော အရိယာတို့၏ အမှန်တရားတည်း။
ပဋိသန္ဓေ တည်နေရခြင်းသည်လည်း ဆင်းရဲ၏၊
အိုရခြင်းသည်လည်း ဆင်းရဲ၏၊
နာရခြင်းသည်လည်း ဆင်းရဲ၏၊
သေရခြင်းသည်လည်း ဆင်းရဲ၏၊
မချစ်သောသူတို့နှင့် အတူနေရခြင်းသည်လည်း ဆင်းရဲ၏၊
လိုချင်ရာကို မရခြင်းသည်လည်း ဆင်းရဲ၏၊
အကျဉ်းအားဖြင့် စွဲလမ်းရာ အာရုံဖြစ်သော ခန္ဓာတို့သည်လည်း ဆင်းရဲကုန်၏။

သူတော်ကောင်းတွေဟာ ကောင်းတဲ့တရားတော်တွေကို သဒ္ဓါနှင့်သော် လည်းကောင်း၊ မိမိမှာ တကယ်ရှိသော ဆင်ခြင်ဉာဏ်(ပညာ)ဖြင့်သော် လည်းကောင်း လက္ခံတတ်ကြပါတယ်။ (စိတ္တသူကြွယ်ကို နမူနာရှု)

ကျွနုုပ်တို့တတွေ ကိလေသာခပ်သိမ်း ချုပ်ငြိမ်း၊ ရုပ်နာမ်တွေ ချုပ်ငြိမ်းမှသာ ပဋိသန္ဓေနေခြင်းက ကင်းကြမှာပါ၊ ပဋိသန္ဓေနေခြင်းကင်းမှသာ နောက်ဆက်တွဲတွေ ကင်းသွားမှာ...။ ဒီနေရာမှာ ကျွန်ုပ်အတွေးတွေ ၀င်မိတယ်၊ တကယ်လို့များ သူတော်ကောင်းတွေ အနေနဲ့ လူ့ပြည်မှာ ပဋိသန္ဓေ နေကြရဦးမယ်ဆိုရင် ဘယ်လိုနေရာ ဘယ်လိုမိဘ အသိုင်းအ၀ိုင်းမှာ ဖြစ်ခြင်ကြမလဲပေါ့...။ သူတော်ကောင်းဓါတ်ကိန်းသော မိခင်ဝမ်းမှာ ပဋိသန္ဓေ နေချင်ကြလိမ့်မယ်...။ သူယုတ်မာဆို နီးနီးတောင် မနေလိုကြပါဘူး...။

သူတော်ကောင်းဓါတ်ကိန်းတဲ့ မိခင်လောင်းဆိုရင်တော့ အနဲဆုံး ၅-ပါးသီလ ခါးဝတ်ပုဆိုးလောက်တော့ မြဲသင့်တယ်ပေါ့၊ ခါးဝတ်ပုဆိုးလို့ ဘာကြောင့် ပြောရသလဲဆိုတော့ ပုထုစဉ်တွေမှာက ထာဝရမကျွတ်တော့ဘူး ဆိုတဲ့သဘော မရှိသေးဘူးလေ။ လူရှေ့သူရှေ့မှာတော့ ခါးဝတ်ပုဆိုးလေးက မြဲနေသေးတယ်ပေါ့၊ ဆိတ်ကွယ်ရာ မမြင်ကွယ်ရာမှာ ဆိုရင်တော့ ခြင်ကလေးလဲ သတ်လိုက်နိုင်တယ်၊ စိတ်မချရဘူးဆိုတဲ့ သဘောလေးတွေကြောင့် ခါးဝတ်ပုဆိုးလောက်နဲ့ နှိုင်းလိုက်ရတာပါ...။

ဒီလိုစဉ်းစားရင်းနဲ့ တွေ့ဘူးကြုံဘူး ကြားဘူးသိဘူးတဲ့ မိခင်လောင်းတွေ စဉ်းစားကြည့်လိုက်တာ အတော်ခက်တာပဲကိုး ရှာမတွေ့သလောက်ပါပဲ...။ ဒီလိုရေးလို့ ဒကာဒကာမတွေက ငါတို့ကိုတော့ ဆော်ပြီ၊ ဒီလိုမတွေးကြပါနဲ့ သေသေချာချာ ကိုယ့်ကိုကိုယ် ပြန်ဆင်ခြင်ကြည့်သင့်ပါတယ်၊ တကယ်လို့များ ဒို့ကတော့ ဒီလိုမဟုတ်ဘူးဟေ့ ဆိုခဲ့ရင်တော့ ဒကာဒကာမတို့ရဲ့ အနီးနားမှာ သူတော်ကောင်းမျိုးဆက်တွေ တိုးပွါးလာမှာပါ။ ဘုရားလောင်း ပဋိသန္ဓေယူခါနီး မိခင်လောင်းဖြစ်ထိုက်သူကို ဆင်ခြင်တာတွေ သတိပြုလိုက်ကြပါ...။

တွေ့ပြီပဲထားလိုက်တော့ မိခင်လောင်းရဲ့ ကျဉ်းမြောင်းလှတဲ့ ၀မ်းခေါင်းလေးထဲမှာ ဆရာဝန်များကတော့ ဒါလောက်ပြောရင်ပေါ်ပါပြီ၊ မိခင်ဝမ်းဘိုက်ကို ကျောပြု၍ မိခင်ကျောက်ကုန်းဘက်လှည့်ကာ ခွေခွေခေါက်ခေါက်ကလေး၊ ခုနှစ်လကျော် ရှစ်လကြာအောင် နေထိုင်ခဲ့ရတဲ့ဒုက္ခတွေ၊ မသိတတ်တဲ့ မိခင်လောင်းတွေကများ ရေနွေးပူပူသောက်လိုက်ရင် မိမိရင်ထဲမှ ကလေးမှာ ပူလောင်နေတဲ့ဒုက္ခကို ခံစားရတော့မယ်။ အလွန်အေးတဲ့ ရေခဲရေ သောက်လိုက်ရင်လည်း တစ်ဒုက္ခဖြစ်ပြန်တယ်။ မနေတတ် မထိုင်တတ် မိခင်လောင်းဆို အထဲက ကလေးမှာ ဂျွန်းထိုးမှောက်ခုံ ဆင်းရဲစွာ နေရမှာပဲ။ ပြန်လည်းမပြောနိုင် မိခင်လောင်း လုပ်သမျှ အတွင်းက ကလေးမှာ ပင်ပန်းကြီးစွာ ခံစားနေရမယ့်ဒုက္ခ။

ထို့ကြောင့် မြတ်ဗုဒ္ဓက ပဋိသန္ဓေ တည်နေရခြင်းသည်လည်း ဆင်းရဲ၏တဲ့၊ ပဋိသန္ဓေ တည်ပြီဆိုရင် အိုရမည်, နာရမည်, သေရဦးမည်, ဤသည်တို့သည်လည်း ဆင်းရဲကြကုန်၏...။

မချစ်သောသူတို့နှင့် အတူ နေရခြင်းသည်လည်း ဆင်းရဲလှပေ၏...။

ချစ်ခင်သူတို့နှင့် ကွဲကွာရခြင်းသည်လည်း ဆင်းရဲ၏...။

လိုချင်ရာကို မရခြင်းသည်လည်း ဆင်းရဲလှပေ၏...။

စွဲလမ်းရာ အာရုံဖြစ်သော ခန္ဓာငါးပါး ရုပ်နာမ်တရားတို့သည်လည်း ဆင်းရဲကုန်၏...။


ဒီအကြောင်းလေး နည်းနည်းတော့ ထည့်ရေးလိုက်ပါဦးမယ်...
အရှင်သီဝလိ ဆရာတော်ဘုရားကြီး အကြောင်းပါ၊ အားလုံးနည်းပါး သိကြပြီးသားပါ မိခင်ဝမ်းမှာ ၇-နှစ် ၇-လ ၇-ရက် ပင်ပန်းဆင်းရဲစွာ နေထိုင်ခဲ့ရတယ် မဟုတ်လား အတိတ်ဘ၀တစ်ခု ၀တ်ကြွေးကြောင့်၊ ၀တ်ကြွေးရှိရင် ပေးဆပ်ကြရမှာပေါ့၊ ဒီဘ၀ ရဟန္တာဖြစ်မဲ့ သူတောင် ထူးထူးကဲကဲကြီးကို ပဋိသန္ဓေဒုက္ခကို ခံစားခဲ့ရပါတယ်။ မိခင်ဖြစ်သူမှာကော ဘယ်လောက် ခံစားလိုက်ရမလဲ စဉ်းစားကြည့်ပါ၊ အင်မတန်ကို ပင်ပန်းဆင်းရဲပါလိမ့်မယ်။ ဒီလောက်ပင်ပန်းဆင်းရဲနေတဲ့ကြားက သားလေးမျက်နှာ မြင်လိုက်ရတော့ သားအပေါ်မှာ ချစ်မိတဲ့ ဇောတွေကြောင့် ပင်ပန်းသမျှတွေ သဲရေကျသလို ပိန်းကြာဖက် ရေမတင်လို ပင်ပန်းဆင်းရဲတွေ ကင်းစင်လွင့်ပြောက်သွားပါတယ်။ ဒါဟာမိဘမေတ္တာပါ...။

အရှင်ဘုရား ဟုတ်လောက်ပါ့မလား ပိန်းကြာဖက် ရေမတင်သလိုဆိုတာ...။

ဒီလိုများဆိုခဲ့ရင် ...
ဘုရားရှင်နဲ့ မိခင်ဖြစ်သူ မေးတာဖြေတာလေး နားထောင်ကြည့်ရင် သိရမှာပါ...
ချစ်သမီး သုပ္ပ၀ါသာ သင်ဒီလိုသားမျိုး ရဦးမယ်ဆိုရင် ယူဦးမှာလားတဲ့...
အရှင်မြတ်ဘုရား ဒီလိုသားမျိုးသာ ရဦးမယ်ဆိုရင် တပည့်တော်မ (ဒီလောက်ကို--) ယူပါဦးမည်...ဘုရား တဲ့။

ပဋိသန္ဓေဆင်းရဲကလည်း ဒီလောက်ပင်ပန်းဆင်းရဲတယ်...
မိခင်မေတ္တာကလည်း ဒီလောက်ထိအောင်ကိုပါပဲ...

သူတော်ကောင်းတို့ အိုနာသေ ဆင်းရဲတို့က လွတ်ကင်းနိုင်ကြပါစေ...


စိတ်ချမ်းသာပါစေ...
ဒုက္ခဆင်းရဲကင်းဝေးပါစေ...
ဦးလောကနာထ
၎.၂၇.၂၀၀၉

ကြော်ငြာမဟုတ်သော ကြေငြာချက်...

**: ဘုန်းဘုန်း.. တပည့်တော် သူငယ်ချင်း တစ်ယောက်က တစ်ဘက်သတ် အချစ်အကြောင်းလေး သိချင် လို့ပါတဲ့ ဘုန်းဘုန်း။

၁။ အရင်ဘ၀က ဘယ်လိုမျိုး အကြောင်းတရားတွေ လုပ်ခဲ့လို့ ဒီဘ၀မှာ ကိုယ်က သူ့ကို မေတ္တာရှိနေပါရက်နဲ့ သူက ကိုယ့်ကို ပြန်ပြီး မေတ္တာ မရှိတာပါလဲ ဘုန်းဘုန်း။
(ဒီနေရာမှာ ကိုယ်က မေတ္တာရှိကြောင်းကို တဘက်လူက သိနေပါတယ်တဲ့ ဘုန်းဘုန်း။)

၂။ နောက် ဒီဘ၀မှာ အတူမပေါင်းရပေမယ့် နောက်ဘ၀မှာ ပေါင်းချင်သူများအတွက် ဘယ်လို ကောင်းမှုတွေ လုပ်သင့်ပါသလဲ ဘုန်းဘုန်း။
(ဒီမေးခွန်းကတော့ သံသရာ ရှည်ကြောင်း ဖြစ်တဲ့ အတွက် မမေးသင့်ပါဘူး၊ ဒါပေမယ့် သိချင်သူများအတွက် ကရုဏာရှေ့ထားလို့ ဖြေကြားပေးပါဦး ဘုန်းဘုန်း။)

ရိုသေစွာ ဦးခိုက်လျက်
**

((ဤမေးခွန်းမေးခြင်းသည် အများအကျိုးရှိစေလို၍ ဖြစ်ပါတယ်))

သိစေအပ်ပါသည် ဘုန်းကြီး၏ အသဲအကြောင်း တစေ့တစောင်း...
ဆိုပြီးစာရေးမယ်... ပြီးရင် ဆိုဒ်မှာတင်မယ်...
အဲဒီနေ့ ဘုန်းကြီးဆိုဒ်မှာ လူကြပ်လို့ ရုံဖွင့်ပေးရလ်ိမ့်မယ်...။

စဉ်းစားလိုက်ပါဦးမယ်နော်...

စိတ်ချမ်းသာပါစေ...။
ဒုက္ခဆင်းရဲကင်းဝေးပါစေ...။
ဦးလောကနာထ
၎.၂၄.၂၀၀၉

(ဒါကတော့ ဒီကလေးကို စတဲ့သဘောနဲ့ စာပြန်ပေးလိုက်တာပါ G Talk မှာ...)

ဒီလိုပြန်ပြီးပြီဆိုတော့ ဗုဒ္ဓတရားတော်ထဲက အသဲကွဲတဲ့အကြောင်း အသဲပဲ့တဲ့အကြောင်း ရှာဖွေတင်ပြ ဆုံးမပေးရဦးမှာပေါ့လေ... တနေ့...

ကြောင့်ကြကုသိုလ်... (ဦးသုမင်္ဂလ) vcd

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

ကြောင့်ကြကုသိုလ်...

ဗုဒ္ဓ၀င်အကြောင်း... ရွှေမင်းဝန်...

ရွှေမင်းဝန် ဗုဒ္ဓ၀င် အင်္ဂလိပ်စကားပြော...

ဗုဒ္ဓ၀င်အကြောင်း...



သုမေဓာနှင့် သုမိတ္တာတို့ ဗျာဓိတ်ခံယူခြင်း...

ဒု သ န သော... (ဓမ္မပဒဝတ္ထု (မာဏဝ))

ဗာလ၀ဂ်၊ ဓမ္မပဒဝတ္ထု (မာဏဝ) ၆၀-၆၅...

၆၀။ ဒီဃာ ဇာဂရတော ရတ္တိ၊ ဒီဃံ သန္တဿ ယောဇနံ။ ဒီဃော ဗာလာန သံသာရော၊ သဒ္ဓမ္မံ အ၀ိဇာနတံ။

၆၀။ အိပ်မပျော် နိုးနေသောသူအား ညဥ့်တာရှည်လျား၏၊ ခရီးပန်းသောသူအား ယူဇနာခရီးသည် ရှည်လျား၏။ သူတော်ကောင်းတရားကို မသိသော လူမိုက်တို့အား သံသရာသည် ရှည်လျား၏။

၆၀... ယောက်ျားတစ်ယောက် ဒု သ န သော...



၆၁။ စရဉ္စေ နာဓိဂစ္ဆေယျ၊ သေယျံ သဒိသမတ္တနော။ ဧကစရိယံ ဒဠှံ ကယိရာ၊ နတ္ထိ ဗာလေ သဟာယတာ။

၆၁။ လူမိုက်၌ တရားကျင့်ရန် အဆွေခင်ပွန်းအဖြစ် မရှိရကား တရားကျင့်သူသည် မိမိထက် သာလွန်သူ မိမိနှင့် တူမျှသူကို မရနိုင်ပါမူ တစ်ယောက်တည်း ကျင့်ခြင်းကိုသာလျှင် မြဲမြံစွာ ပြုကျင့်ရာ၏။

၆၁... အရှင်မဟာကဿပ၏ အတူနေတပည့်...



၆၂။ ပုတ္တာ မတ္ထိ ဓနံ မတ္ထိ၊ ဣတိ ဗာလော ၀ိဟညတိ။ အတ္တာ ဟိ အတ္တနော နတ္ထိ၊ ကုတော ပုတ္တာ ကုတော ဓနံ။

၆၂။ လူမိုက်သည် ငါ့အား သားသမီးတို့ ရှိကုန်၏၊ ဥစ္စာတို့သည်လည်း ရှိကုန်၏ဟု စွဲလမ်းမှု တဏှာဖြင့် ဆင်းရဲ ပင်ပန်းရ၏။ အမှန်သော်ကား မိမိအား အတ္တသည်လည်း မရှိပါဘဲလျက် အဘယ်မှာ သားသမီးရှိအံ့နည်း၊ အဘယ်မှာလျှင် ဥစ္စာရှိအံ့နည်း။

၆၃။ ယော ဗာလော မညတိ ဗာလျံ၊ ပဏ္ဍိတော ၀ါပိ တေန သော။ ဗာလော စ ပဏ္ဍိတမာနီ၊ သ ဝေ ဗာလောတိ ၀ုစ္စတိ။

၆၃။ မိုက်သောသူသည် မိမိမိုက်သည့် အဖြစ်ကိုသိ၏၊ ထိုသိမှုကြောင့် ပညာရှိဖြစ်နိုင်သေး၏၊ မိုက်သောသူသည် ငါပညာရှိဟု မိမိကိုယ်ကို ထင်မှတ်နေပါမူကား ထိုသူကို စင်စစ် လူမိုက်ဟူ၍ ဆိုအပ်၏။

၆၂... အာနန္ဒာသေဌေး...
၆၃... ခါးပိုက်နှိုက်နှစ်ယောက်...

၆၄။ ယာဝဇီဝမ္ပိ စေ ဗာလော၊ ပဏ္ဍိတံ ပယိရုပါသတိ။ န သော ဓမ္မံ ၀ိဇာနာတိ၊ ဒဗ္ဗီ သူပရသံ ယထာ။

၆၄။ ယောက်မသည် ဟင်း၏အရသာကို မသိသကဲ့သို့ မိုက်သူသည် အသက်ရှည်သမျှ ကာလပတ်လုံး ပညာရှိကို ဆည်းကပ်စေကာမူ သူတော်ကောင်းတရားကို မသိနိုင်။

၆၅။ မုဟုတ္တမပိ စေ ၀ိညူ၊ ပဏ္ဍိတံ ပယိရုပါသတိ။ ခိပ္ပံ ဓမ္မံ ၀ိဇာနာတိ၊ ဇိဝှါ သူပရသံ ယထာ။

၆၅။ လျှာသည် ဟင်း၏အရသာကို သိသကဲ့သို့ သိကြား လိမ္မာသူသည် တစ်ခဏမျှ ပညာရှိကို ဆည်းကပ်ရစေကာမူ (သူတော်ကောင်း)တရားကို လျင်မြန်စွာ သိနိုင်၏။

၆၄... အရှင်လာဠုဒါယီ...
၆၅... ပါဝါမြို့နေ ရဟန်းသုံးကျိပ်...