ဒကာလေး ကျော် ရေ... အထီးကျန် မဖြစ်ချင်ရင်

19 Apr 09, 18:49
ကျော်: အရှင်ဘုရား။ တွေ့တဲ့သူနဲ့ တည့်အောင်ပေါင်းဆိုက ကိုယ်က တည့်အောင်ပေါင်းလိုပေမယ့်၊ အားလုံးကို ခင်မင်စိတ် ထားပေမယ့် ဝါသနာ စရိုက် မတူတာနဲ့ တစ်ချို့က အမြဲ ပုတ်ခတ်တိုက်ခိုက်နေရင် ဘယ်လိုလုပ်ရမလဲဘုရား။ ပြီးခဲ့တဲ့ သင်္ကြန်တုန်းက တပည့်တော်ဥပုသ်စောင့်ထားတော့ ပျော်ပွဲရွှင်ပွဲအတွက်ခေါ်တဲ့အခါ မလိုက်လိုကြောင်း ကောင်းကောင်းပဲ ပြောငြင်းပါတယ်။ ပျော်ပွဲကခုန်ပွဲကို လိုက်ရင် ဥပုသ်ကျိုးမှာစိုးလို့ နေရပ်မှာသာ တတ်နိုင်သမျှ ပြုမြဲ ဒါနမှုတွေ ပြုပြီး နေခဲ့ပါတယ်။ တပည့်တော်ကို လူတောမတိုးဘူး၊ အများနဲ့ မရောဘူး၊ သင်္ကြန်လို ရိုးရာယဉ်ကျေးမှု ကို မထိန်းသိမ်းသူ ဆိုတာမျိုးတွေနဲ့ ပုတ်ခတ်လာတာ ဒီနေ့ပဲ ပြန်ကြားရတော့ သီလစောင့်ရင်းသီလနဲ့အတူ အထီးကျန်ဖြစ်ရပါလားလို့ စိတ်မကောင်းဖြစ်ရပါတယ်။ အထီးကျန် မဖြစ်ချင်ရင် ခုန ပုတ်ခတ်သူတွေနဲ့ ရောနှောပြီး သောက်စားရင်း သူတို့လို သူတစ်ပါးအတင်းပြော ဒီလို ရောရောနှောနှော နေရင် သူတို့ကြားမှာ အထီးကျန် မဖြစ်နိုင်ပါ။ ဘယ်လို လုပ်ရမလဲဘုရား။ မှတ်ဖွယ်ရာတွေ ရေးတတ်ပါပေတယ် ဘုရား။ မှတ်ယူသွားပါသည်။

ဒကာလေး ကျော် ရေ...

{{အသေ၀နာ စ ဗာလာနံ}}

လူမိုက်ဆိုလျှင်၊ ရှောင်သွေလွှဲလို့၊ မမှီဝဲနှင့်၊ ကင်းအောင်နေ။
ပညာရှိကို၊ အရှည်တွဲလို့၊ မှီဝဲဆည်းကပ်၊ နည်းယူစေ။
သုံးပါးရတနာ၊ မိဘများနှင့်၊ ဆရာသမားကို၊ ပူဇော်လေ။
ချမ်းသာကိုပေး၊ ဆက်ဆံရေး၊ မျှော်တွေးသုံးချက်ပေ။
အဲဒါမှ {{ဗုဒ္ဓ၀ါဒ}} ကမ္ဘာ့ မင်္ဂလာတွေ။

ဘုန်းကြီးတို့တတွေ သေသေချာချာ နှလုံးသွင်းနိုင်မယ်၊ ဘုရားစကားတော်ကို ယုံကြည်ကြမယ် ဆိုခဲ့ရင် ဒီမင်္ဂလာကဗျာလေးနဲ့တင် ပွဲပြီးသွားပါပြီ။

လူမိုက်ဆိုမပေါင်းနှင့် ကင်းအောင်နေရမယ်တဲ့၊ ဘယ်ဟာလဲ လူမိုက်... လူဆိုး...
မိမိကိုယ်ကို ပျက်စီးအောင်ပြုသူကို လူမိုက်...
သူတစ်ပါး ပျက်စီးအောင် ပြုသူကို လူဆိုး....
ဒါ့ကြောင့် မိမိသူတစ်ပါး အကျိုးပျက်အောင် ပြုနေသူကိုတော့ လူဆိုးလူမိုက်တဲ့။
ဒါကတော့ ကြားဘူးထားတဲ့ လူဆိုးလူမိုက် ခွဲပုံအကြောင်း။

ဒါဆို ဒကာလေးဘေးမှာရှိတဲ့သူတွေက ဘာလဲ ဒကာလေး ကိုယ့်ဟာကို ဆုံးဖြတ်ကြည့်ပါ။ ဘုန်းကြီးကတော့ ဘုရားဟောလေးတွေ ပြောပြရုံပေါ့။
ဆရာတော်တပါးနဲ့ စကားပြောဘူးတယ်၊ ကိုယ်တော်.... ဟိုကိုယ်တော်တွေ မကောင်းဘူးကိုယ်တော်၊ အရှင်ဘုရား ဘာတွေများ မကောင်းလို့လဲဘုရား အမိန့်ရှိပါဆိုတော့။ သူတို့ မပြောရဲတဲ့စကားဆိုရင် တပည့်တော်ကို မြှောက်ပေးပြီ တပည့်တော်ကလဲ သိရဲ့သားနဲ့ချတာပဲ တကယ်လဲ ခဏခဏ ပြဿနာ လိုက်ရှင်းနေရတာပဲ ကိုယ်တော်...။ ဆိုပြီးတော့ ပြောဘူးပါတယ်။ တရားဟောကြ စာရေးကြရတာလေးတွေကလည်း မလွယ်ဘူးလေ၊ တရားသဘောလို ကြည့်နိုင်ကြရင် ပိုကောင်းကြတာပေါ့။ ကြည့်နိုင်ကြမယ်လို့လည်း မျှော်လင့်ပါတယ်။ ဘုန်းကြီးအနေနဲ့ကတော့ ဘုရားတရားတော်အတိုင်း ပြောပြဖို့ ၀န်မလေးပါဘူး ပြောပြမှာပါပဲ။ ဘုန်းတော်ကြီးများ တာဝန်ကိုး။

မြတ်ဗုဒ္ဓက ဒီလိုပြပါတယ်...
ငါးပါးသီလမကျင့်သုံး၊ ဒုစရိုက် ၁၀-ပါး၊ ကျင့်သုံးရင် လူဆိုးလူမိုက်လို့ ခေါ်ပါတယ်၊

ရှေးသူတော်ကောင်းများရဲ့ ဆုတောင်းလေးတွေ ဘယ်လောက် ကောင်းလိုက်ပါသလဲ လူမိုက်ကို မတွေ့မမြင်ရပါလိုတဲ့။

တဲ့အောင်ပေါင်း ဆိုတဲ့နေရာမှာ အနည်းငယ်ခက်နေကြတာက လူဆိုးကိုလဲ တဲ့အောင် သူ့အကြိုက်ကို လိုက်လုပ်ပြီး ပေါင်းရမှာလို့ ထင်နေတတ်ကြပါတယ်၊ မင်းဘာ့ကြောင့် ဖဲရိုက်နေတာလဲ၊ တပည့်တော် သူ့ကိုအားနာလို့ပါဘုရား။ ဒီလိုတဲ့အောင်ပေါင်းခြင်းကို ပြောဆိုနေတာ မဟုတ်ပါ။ မိမိပေါင်းတဲ့သူဟာ မိမိကိုပျက်စီးအောင် ပြုမူနေရင် လူဆိုး လူမိုက်လို့ခေါ်ပါမယ်။ လူမိုက်မှန်းသိရင် သူ့ကို ဝေးဝေးကတောင် ရှောင်ရမှာ ဖြစ်ပါတယ်။ မကောင်းမှုကို မပြုလို ကောင်းမှုကိုသာ ပြုနေလိုသူဟာ ကိုယ့်ဘေးမှာ လူမိုက်တွေမရှိလေ ၀မ်းသာစရာကောင်းလေ ဖြစ်ရမှာပါ။ အဖေါ်ကွဲတယ်လို့မဆိုနိုင်ပါ၊ အဖေါ်ကွဲတယ်လို့ ထင်နေရင် ကိုယ့်စိတ်ထဲမှာ ဘာကို မျှော်နေသလဲ၊

သင်္ကြန်လို ရိုးရာယဉ်ကျေးမှုကို မထိန်းသိမ်းသူလို့ ဆိုကြတယ်ဆိုတာကလည်း တဖက်ကတော့ စေတနာနဲ့ နေမှာပါ။

ဘုန်းကြီးစိတ်ကူးတခု တချိန်တုန်းက ဒီလိုပေါ်ဖူးပါတယ်၊ တချို့ပညာရှင်တွေက အနော်ရထာမင်းကြီးကြောင့် ငါဒို့တိုင်းပြည်မှာ မဟာယာန အရည်းကြီးတို့ရဲ့ ရှေးဟောင်းသမိုင်း ကျင့်စဉ်တွေ ပျောက်ဆုံးရတယ်လို့ ပြောတာ ရေးတာတွေ တွေ့ဘူးကြားဘူးခဲ့ပါတယ်၊ သူတို့အနေနဲ့ သူတို့အတွေးဘက်က မှန်သည်မှားသည် မပြောလိုပါ သမိုင်းသဘောကိုး။ ဘုန်းကြီးက ဒီလိုတွေးမိတယ် အရည်းကြီးတို့ရဲ့ ပညာတွေသာ အကုန်ကျန်ခဲ့မယ် ဆိုရင်တော့ ငါ့ အမျိုးတွေတော့ မလွယ်ဘူးလို့ တွေးမိပါတယ်။ (ဒီဘုန်းကြီးတောင် ခုဆို အရည်းကြီးဦးလောက ဖြစ်ချင်ဖြစ်နေမှာ) ဒီအတွေးမျိုးတွေက သာသနာကို စောင့်ရှောက်နေကြကုန်သော ထေရ၀ါဒ ဘုန်းတော်ကြီးများရဲ့ စိတ်ထဲမှာ တူညီသော အတွေးအခေါ် ဖြစ်လိမ့်မယ်လို့ မျှော်လင့်ပါတယ်။

ပြောလိုတာက ရှေးဟောင်း ရိုးရာယဉ်ကျေးမှုများကို ဗုဒ္ဓ အဆုံးအမနဲ့ ကိုက်ညီရင် ထိန်းသိမ်းကြရပါမယ်။ အကုသိုလ် မဖြစ်ဖူးဆိုရင် ထိန်းသိမ်းကြရပါ့မယ်။ အခါတရံ အကုသိုလ်ဖြစ်ခဲ့ပေမဲ့ ကုသုလ်ဘက်ကိုပြောင်းလို့ ရခဲ့ရင် ဒီလို ရှေးဟောင်းရိုးရာမျိုးကိုလည်း ထိန်းသိမ်းသင့်ပါတယ်။ ဥပမာ သင်္ကြန်မှာ မူးရူးပြီး ရမ်းမနေဘဲ လူကြီးသူမများကို ကန်တော့မယ် ရေချိုးပေးမယ် သတ္တ၀ါတွေ ဘေးမဲ့ပေးမယ် တရားပွဲတွေလုပ်ကြမယ်၊ ရေပက်ရင်လည်း ငြိမ်းချမ်းစေဖို့ မေတ္တာလေးပွားပြီး ဖြည်းဖြည်းလေး လောင်းမယ်ပေါ့။ ရှေးတုန်းက ရှိခဲ့ဘူးပြီးသားလေးပါ ဘယ်လောက်ကောင်းကြမလဲ ရှေးဟောင်း အမွေလေးလည်းထိန်းရင်းနဲ့။ ရေးရင်းနဲ့ ငယ်ငယ်က... သတိရလာတယ် မရေးတော့ပါလေ။ ဒီလို ဘေးကင်းတဲ့ သင်္ကြန်မျိုးကတော့ မတွေ့ရတော့ဘူး အောင်းမေ့ခဲ့တာ တော်ပါသေးရဲ့ တွေ့ရသေးလို့၊ စီဘောက်တကာမှာ ဗွမ်းနေကြတာ... ဗွမ်းးးး ဒါမျိုးလဲပါသေး အားမရကြဘူးလေ...၊ ကလေးတွေဆိုတော့ ပျော်စရာလဲကောင်း အန္တရာယ်လဲမရှိကြ၊ စာရေးတာတောင် ယဉ်ယဉ်လေးတွေချည့်ပါဘဲ။ ဒီလို ယဉ်ကျေးသော အင်တာနက်ပေါ်မှ ရေ... သင်္ကြန်လေးတွေ ဘယ်နနှစ်ခံမယ်တော့ မသိဘူးပေါ့လေ...။ ထိန်းနိုင်ကြပါစေ အွန်လိုင်းပေါ်မှ ရေ...သင်္ကြန်။

သူတော်ကောင်းတရားနဲ့ ပေါင်း၍ရလျှင်ပေါင်း မရလျှင်ခွါ။
ကောင်းမှုနဲ့ယှဉ်သော ရိုးရာကို မပျက်ဆီးအောင်ထိန်းသိမ်း။
ကိုယ့်ထံမှာ သူတော်ကောင်းတရားမရှိလျှင် ကောင်းသောအဖော် ကွဲနေသူ။

ဘုန်းကြီးလဲ တစ်ပါးတည်းဆိုတော့ အဖော်ကွဲပါသကွယ်...
ဒီလို စဉ်းစားကြည့်ဘူးပါတယ်...
အရက်ပုလင်းထောင်...
မာကျောက်ဝိုင်းလေးတည်...
ဂျောက်ဂျက် စက်ကလေး ထားမယ်ဆိုရင်တော့ ...
ကျောင်းမှာ လူမစဲဖြစ်မှာဘဲလို့...

မလုပ်ပရစေနဲ့ကွယ်...
တစ်ယောက်ထဲဘဲ အဖေါ်ကွဲလို့ သီတင်းသုံးကာ တရားနဲ့ဘဲ ပျော်ပါတော့မယ်...။

စိတ်ချမ်းသာကြပါစေ...
ဒုက္ခဆင်းရဲကင်းဝေးကြပါစေ...
ဦးလောကနာထ
၎.၂၁.၂၀၀၉