မဟုတ်မမှန်သော စကားကို ပြောဆိုခြင်း ....

10 Apr 09, 12:20
ခွန်နောင်: ဆရာတော်ဘုရား။ တပည့်တော် ခရီးတစ်ခု သွားတုန်း လမ်းမှာ စစ်ဆေးရေး အဖွဲ့တွေနဲ့ တွေ့ပြီး ကားပေါ်မှာ ပါလာတဲ့လူတွေကို စစ်တော့ မသင်္ကာစရာ တွေ့ပြီး စစ်ဆေးပါတယ်။ သူတို့မေးတာ အမှန် ပြောလိုက်ရင် ကားပေါ်ပါ ခရီးသည်ရော ကားသမားပါ ဒုက္ခရောက်မှာမို့ တပည့်တော်ကို မေးတော့ ငြင်းပြီး ဘူးခံပေးလိုက်ပါတယ်။ မသိတာ အမှန်အတိုင်း ပြောမယ်ဆို လူတွေ ဒုက္ခရောက်ဖို့ ရှိပါတယ်။ ဒီလိုအခါမျိုးမှာ မုသာဝါဒကံကို ဘယ်လို သဘောထား ရမယ်ဆိုတာ သ်ိလိုပါတယ်ဘုရား။ ကိုယ့်ကြောင့် သူများ အဖမ်းခံရ၊ နှိပ်စက်ခံရ၊ ချွေးနှဲစာ ငွေကြေးဥစ္စာ အသိမ်းခံရမယ့် အရေးမျိုးမှာ မလိမ်ညာဘဲ ကိုယ့်သီလကို ကာကွယ်ပြီး သူတစ်ပါး ပျက်စီးစေခြင်းနဲ့ ဘူးခံပြီး သူတစ်ပါး ဒုက္ခမရောက်အောင် ကာကွယ်ခြင်း ဘယ်ဟာကို ကျင့်ရမလဲဘုရား။ နှစ်ခုလုံးပဲ အပြစ် ရှိပါသလား။

10 Apr 09, 23:20
kkk: ဖုံးကွယ်ခြင်းသုံးပါး က ဗဟုသုတများစွာရပါတယ် ဘုရား ကိုခွန်နောင်မေးတဲ့ မုသာဝါဒ မေးခွန်းမျိုးတပည့်တော်လည်း.....

--------------------

အဖြေ...

မုသာဝါဒါ ဝေရမဏိသိက္ခာပဒံ သမာဒိယာမိ။

မုသာဝါဒါ၊ မဟုတ်မမှန်သော စကားကို ပြောဆိုခြင်းမှ။
ဝေရမဏိသိက္ခာပဒံ၊ ရှောင်ကြဉ်ကြောင်း သိက္ခာပုဒ်ကို။
သမာဒိယာမိ၊ ကောင်းစွာ ခံယူ ဆောက်တည် ကျင့်သုံးပါ၏။

မဟုတ်မမှန်သော စကားကို ပြောဆိုခြင်းမှ ရှောင်ကြဉ်မယ်ဆိုပြီး ဆောက်တည်တဲ့ သဘောပါ၊ ဒီစကားကို ကြည့်ခြင်းအားဖြင့် ကိုယ်ပြောသော စကားသည် မဟုတ်မမှန် ဖြစ်ခဲ့သော် ဆောက်တည်ထားသော သိက္ခာပုဒ် ပျက်ပါတယ်။ ပါးစပ်ကပြောမှသာ မဟုတ်သေးပါဘူး စာဖြင့်ဖြစ်စေ ကိုယ်ခန္ဓာ အမူအရာဖြင့် ဖြစ်စေ လိမ်ညာမှု အားလုံးဟာ မုသာဝါဒဖြစ်ပါတယ်။ ဒါဆို အရှင်ဘုရားရယ် ဘာ့ကြောင့် ၀စီကံထဲ ထည့်ထားရတာလည်း ဆိုခဲ့သော်၊ နှုတ်ဖြင့် ပြောဆို လိမ်လည်မှု များ၍ ၀စီဒုစရိုက်ကံထဲ ထည့်သွင်းယူရပါတယ်။

မုသာဝါဒကံ မြောက်ကြောင်း အင်္ဂါကတော့ ၄-ပါးရှိပါတယ်။

၁။ မဟုတ်မမှန် မှားယွင်းသော အကြောင်းဖြစ်ခြင်း။
၂။ မဟုတ်မမှန် ပြောလိုစိတ်ရှိခြင်း။
၃။ ပြောလည်း ပြောဆိုခြင်း။
၎။ လိမ်လည်သည်ဟု သူတပါးသိခြင်းတို့ ဖြစ်ကြပါတယ်။ (ဒီနံပါတ်-၄ ကစိတ်ဝင်စားစရာကောင်းတယ်နော်)

သူတပါးအကျိုးစီပွါး ပျက်စီးအောင် လိမ်ညာပြောဆိုခြင်းသည် အပါယ်ရောက်ကြောင်း မုသာဝါဒကံဖြစ်ပါတယ်။ အကယ်၍ သူတပါး အကျိုးစီးပွါးလည်း မပျက်စီးစေ၊ ကိုယ်ပစ္စည်း သူတပါးကို မပေးလို၍သော် လည်းကောင်း၊ ပြောင်လှောင်ရုံမျှသော် လည်းကောင်း၊ သားသမီးတို့ ပျက်စီးမှာစိုး၍ မိဘက လှည့်ပတ် လိမ်ညာ ပြောသော် လည်းကောင်း၊ အပြစ်မကြီးလှပါချေ။ သို့သော် သိက္ခာပုဒ် ဆောက်တည်ထားသူ အနေနဲ့ ၂-နံပတ် ပြောလိုစိတ်ရှိခြင်း၊ ၃-နံပတ် ပြောလည်း ပြောဆိုခြင်း။ ဒီအင်္ဂါ ၂-ပါးနဲ့ ပြည့်စုံလျှင် သိက္ခာပုဒ်သည် ပျက်ပါတယ်။

မိမိက သူတပါးဒုက္ခမရောက်အောင် လိမ်ပေးလိုက်သည် ဆိုရာဝယ် သူတပါး ဒုက္ခမရောက်စေလိုသည်မှာ ကုသိုလ်ဖြစ်ပေတယ်၊ လိမ်ပေးသည်မှာ အကုသိုလ်ဖြစ်ပါတယ်၊ သူတစ်ပါး ဒုက္ခမရောက်အောင် ဟူသော စေတနာသည် ကောင်းသော ကြီးသောကုသိုလ်ဖြစ်ပါတယ်၊ ဒုက္ခမရောက်အောင် လိမ်သော အကုသိုလ်မှာ သေးငယ်ပါတယ်။ (ဒါဘေမဲ့ စဉ်းစားသင့်သေးသည်မှာ၊ မိမိကဒုက္ခမရောက်အောင် လိမ်ပေးလိုက်သော ကိစ္စသည်ကား၊ တားမြစ်ထားသော နေရာသို့ သစ်သီးတစ်လုံး ယူလာသည် လိမ်ပြောလိုက်သည် ကိစ္စမရှိသေး။ လူသတ်လက်နက် ယူလာသည် လိမ်ပြောလိုက်သည် ကိစ္စရှိလာပြီ။ လူအများကို ပျက်စီးစေနိုင်သည့် အရာတွေပါလာသည် လိမ်ပြောလိုက်သည် ပို၍ကိစ္စရှိလာပါပြီ။) ဒီလို အကြောင်းအရာတွေကို အခြေခံပြီး စဉ်းစားတတ်ရပေဦးမည်။

မိမိ၏ လိမ်လည်ပေးမှု့ကြောင့် အမှန်တကယ် အများကိုလည်းမထိခိုက်စေ သူ့မှာလည်း အကျိုးတကယ်ရှိ၊ အလိမ်ခံရသူမှာလည်း နစ်နာမှုမကြီးကျယ် ဆိုပါက အပြစ်သေးငယ်ပါမယ်၊ တချို့အပြစ်လုံးဝမရှိပါ။ အပြစ်မရှိပုံကို ဥပမာပြပါမယ်- ရဟန်းတော်များမှာ အသားကြီး ဆယ်မျိုးကို သိလျက် မစားရပါဘူး၊ ကျန်းမာရေး မကောင်းတဲ့ ရဟန်းတစ်ပါးကို ဒကာမတယောက်က ကြည်ညိုလို့ အခြေအနေကိုသိပြီး ဆွမ်းကပ်ပါတယ်၊ ရဟန်းတော်များက မသင်္ကာရင် ဘာဟင်းလဲ ဘာအသားလဲ မေးပြီးတော့မှ ဘုန်းပေးရပါတယ်၊ ((ဘုန်းကြီးတွေက ဘာဟင်းလဲ မေးရင် သင်တို့က အပြစ်မမြင်ကြပါနဲ့)) ဒီလိုမေးတော့ ဒကာမကြီးက ပြောပါတယ် အရှင်ဘုရား အပ်စပ်တဲ့ အမဲသားပါလို့ ဖြေတော့ ဘုန်းကြီးလည်း ဆွမ်းဘုန်းပေးပါတယ်၊ ဖြစ်ပေါ်နေတဲ့ ရောဂါလည်း မကြာခင်မှာ ပျောက်သွားပါပြီ။ တကယ်တော့ ခွေးသားကို အမဲသားလို့ ဒကာမကြီးက လိမ်ပြောလိုက်တာပါ။ ဘုန်းပေးသောရဟန်းမှာလည်း အပြစ်မဖြစ်၊ လျှောက်ထားသူမှာလည်း မုသာဝါဒ မဖြစ်ဟု။ ကုသိုလ်သာဖြစ်တယ်လို့ မဇ္ဈိမပဏ္ဏာသ အဋ္ဌကထာမှာဆိုပါတယ်။

ကိုယ့်ကြောင့် သူများ အဖမ်းခံရ၊ နှိပ်စက်ခံရ၊ ချွေးနှဲစာ ငွေကြေးဥစ္စာ အသိမ်းခံရမယ့် အရေးမျိုးမှာ မလိမ်ညာဘဲ ကိုယ့်သီလကို ကာကွယ်ပြီး သူတစ်ပါး ပျက်စီးစေခြင်းနဲ့ ဘူးခံပြီး သူတစ်ပါး ဒုက္ခမရောက်အောင် ကာကွယ်ခြင်း ဘယ်ဟာကို ကျင့်ရမလဲဘုရား။ ဆိုတာနဲ့ပတ်သက်၍...

မိမိက...
အမှန်ကိုသာ ကိုယ်က ပြောမယ်၊ ---မှန်----
ကြားကလူ သူတပါးကို ပျက်စီးစေလိုစိတ် မထားဘူး၊ ---မှန်----
အလိမ်ခံရသူလဲ မနစ်နာ။ ---မှန်----

မိမိက...
အမှန်ကိုသာ ကိုယ်က ပြောမယ်၊ ---မှန်----
ကြားကလူ သူတပါးကို ပျက်စီးစေလိုစိတ် ထားတယ်၊ ---မှား----
အလိမ်ခံရသူလဲ မနစ်နာ။ ---မှန်----

မိမိက...
အမှန်ကို ကိုယ်က မပြောလို၊ ---မှား----
ကြားကလူ သူတပါးကို ပျက်စီးစေလိုစိတ် မထားဘူး၊ ---မှန်----
အလိမ်ခံရသူမှာ နစ်နာတယ်။ ---မှား----

ဒီလိုလည်း မိမိနဲ့ သက်ဆိုင်ရာ အချက်ကလေးတွေကိုလည်း ကြည့်ရမယ်။

လူယုတ်မာတို့၏ စကား ၈-ခွန်းတဲ့...

မမြင်ဘဲ မြင်၏၊ မကြားဘဲ ကြား၏၊ မတွေ့ဘဲ တွေ့၏၊ မသိဘဲသိ၏၊
မြင်လျက် မမြင်ပါ၊ ကြားလျက် မကြားပါ၊ တွေ့လျက် မတွေ့ပါ၊ သိလျက် မသိပါတဲ့၊ မိမိတို့ ဘယ်လိုကျင့်မှာလဲ... ကိုယ်ရဲ့ ဆန္ဒအတိုင်းပေါ့။

ဒီ ၈-ခွန်းကို အပြန်လှန်ရင်တော့ သူတော်ကောင်းတို့၏ စကားပေါ့။
((နေရာတကာမှာတော့ ပြောင်းပြန်ယူ၍မရပါ))

ငါဘုရားကို ဒီလိုနည်းနဲ့ စွပ်စွဲကြလိမ့်မယ်ဆိုပြီးတော့လည်း ဟောထားတာ ရှိသေးတယ်။ ငါဘုရားက ဆောင်ပြီးဟောတဲ့တရားကို တဲ့တဲ့ယူပြီး စွပ်စွဲကြလိမ့်မယ်၊ တဲ့တဲ့ဟောတဲ့တရားကို ဆောင်ပြီး စွပ်စွဲကြလိမ့်မယ် ဟောထားပါတယ်၊ လူ့လောကမှာ ငြင်းခုံနေကြတာ ဒီနှစ်မျိုးကို မှန်အောင် တဲ့အောင် မြင်အောင် မကြည့်နိုင်ကြလို့ ငြင်းခုံမှုတွေ ဖြစ်ကြရတယ်လို့ ဦးဇင်းကတော့ ထင်တာဘဲ။

ဒါ့ကြောင့် ဒကာဒကာမတို့ တရားတော်အားလုံးကို ဒီတရားက တဲ့တဲ့ယူရမှာလား အဓိပ္ပါယ်ဆောင်ပြီး ယူရမှာလားဆိုတာကို ဆင်ခြင်ကြရပါ့မယ်။

မုသာဝါဒနှင့် ပတ်သက်၍ သတိချပ်သင့်သည်ကား {{မြတ်စွာဘုရားသည် သားတော် ရာဟုလာကို ချစ်သားရာဟုလာ 'သိလျက် ချွတ်ယွင်းသော' မုသားစကားကို ပြောဆိုရာ၌ အရှက် မရှိသော မည်သည့် သူအားမဆို မပြုလုပ်ဝံ့သော အကုသိုလ် မကောင်းမှုသည်လည်း တစ်စုံ တစ်ခုမျှ မရှိပြီ ဟူ၍ ငါဟော၏၊ ရာဟုလာ ထို့ကြောင့် ဤမုသာဝါဒ၌ ''ရယ်ရွှင် မြူးထူးလို၍ မျှလည်း ချွတ်ယွင်းသော စကားကို မဆိုအံ့'' ဟု ဤသို့လျှင် သင်သည် ကျင့်ရမည်။}} ဟု ဆိုထားပါတယ်။

ဘုန်းကြီးလည်း ရေးသင့်တာတွေထဲက အနည်းငယ်တော့ ရေးပြီးပြီ စာတွေ ကွေ့ကောက်သွားပြီး အဖြေမရောက်သေးရင်တော့ ဘုန်းကြီးရဲ့ ညံ့ဖျင်းမှုပါ ဆရာတော်ကြီးများရဲ့ အဆုံးအမများကို ဆက်လက်လေ့လာကြပါ သူတော်ကောင်းတရားများ မိမိမှာ တည်တံ့အောင် ကျိုးစားနိုင်ကြပါစေ၊ ဘုန်းကြီးလည်း ကျိုးစားပါမည်။

စိတ်ချမ်းသာကြပါစေ...။
ဒုက္ခဆင်းရဲကင်းဝေးကြပါစေ...။
ဦးလောကနာထ။
၎.၁၂.၂၀၀၉